Bharat Sarkar Pri Matrick Scholarship भारत सरकार मॅट्रिकपुर्व शिष्यवृत्ती योजना

प्रस्तावना

महाराष्ट्र राज्यातील अनुसुचित जातीच्या विद्यार्थ्यांचे शाळे मधील गळतीचे प्रमाण रोखण्याच्या दृष्टिकोनातून केंद्र शासनाने दिनांक १ जुलै २०१२ पासून इयत्ता ९ वी व १० वी मध्ये शिकत असणाऱ्या अनुसुचित जातीच्या विद्यार्थ्यांना भारत सरकार मॅट्रिकपुर्व शिष्यवृत्ती योजना सुरु करण्याच्या दृष्टीने विचारधीन होते.केद्र शासनाने त्यांच्या दिनांक २२/०६/२०१२ च्या पत्रानुसार Bharat Sarkar Pri Matrick Scholarship भारत सरकार मॅट्रिकपुर्व शिष्यवृत्ती योजना ही इयत्ता ९ वी व १० वी मध्ये शिकत असणाऱ्या अनुसुचित जातीच्या विद्यार्थ्यांसाठी सन २०१३-२०१४ या शैक्षणिक वर्षापासून लागू करण्याची मान्यता देण्यात आली आहे.

(Bharat Sarkar Pri Matrick Scholarship )सदरील शिष्यवृत्ती ही इयत्ता ९ वी व १० वी मध्ये शिकत् असणाऱ्या विद्यार्थ्यांसाठी

अटी व शर्ती

शासकीय मान्यता प्राप्त शाळेमध्ये शिकत असणाऱ्या विद्यार्थ्यांस या योजनेचा लाभ घेता येईल
सदरील शिष्यवृत्तीसाठी विद्यार्थ्यांच्या पालकांच्या उत्पनाची मर्यादा ही दोन लक्ष रु.२०००००/- इतकी असावी.
या मध्ये विद्यार्थ्यांना किमान गुणांची कोणतीही अट नाही.
या शिष्यवृत्ती योजनेचा लाभ घेण्यासाठी विद्यार्थ्यांनी अर्ज करणे आवश्यक आहे.
या शिष्यवृत्ती योजनेचा लाभ केंद्राच्या इतर माध्यमिक पुर्व शिष्यवृत्तीच्या लाभार्थ्यांना लागू राहणार नाही.
या शिष्यवृत्ती करीता राज्य स्तरावर सहआयुक्त (शिक्षण ) समाजकल्याण आयुक्तालय पुणे यांना व जिल्हास्तरावर समाज कल्याण अधिकारी , जिल्हा परिषद समाज कल्याण अधिकारी (वर्ग )बृह्मुंबाई यांना तक्रार निवारण अधिकारी घोषित करण्यात आलेले आहे.
एकाच लाभार्थ्यास सावित्रीबाई फुले शिष्यवृत्ती व भारत सरकार मॅट्रिकपुर्व शिष्यवृत्ती या दोन्ही शिष्यवृत्तीचा लाभ घेता येणार नाही.

मिळणारी शिष्यवृत्ती रक्कम.

अनिवासी

शिष्यवृत्ती दर प्रतिमाह अनिवासी ( वसतिगृहात न राहणारे ) रु १५०./- (दहा महिन्याचे एकूण रु १५००/-)
पुस्तके व तदर्थ अनुदान (वार्षिक ) अनिवासी ( वसतिगृहात न राहणारे ) रु ७५०./-
अनिवासी लाभार्थ्यासाठी एकुण शिष्यवृत्ती रु २२५०/-

निवासी

शिष्यवृत्ती दर प्रतिमाह निवासी ( वसतिगृहात राहणारे ) रु ३५०./-.(दहा महिन्याचे एकूण रु ३५००/-)
पुस्तके व तदर्थ अनुदान (वार्षिक ) अनिवासी ( वसतिगृहात राहणारे ) रु १०००./-
निवासी लाभार्थ्यासाठी एकुण शिष्यवृत्ती रु ४५००/-

वरील प्रमाणे शिष्यवृत्तीशिवाय विनाअनुदानित शाळेतील दिव्यांग विद्यार्थ्यांकरीता अतिरिक्त भत्ते पुढील प्रमाणे राहतील.

अंध विद्यार्थ्यासाठी वाचक भत्ता प्रतिमाह रु १६०/-
वसतीगृहात न राहणाऱ्या दिव्यांग विद्यार्थ्यांकरिता वाहतूक भत्ता.प्रतिमाह रु १६०/-
दिव्यांग विद्यार्थ्याच्या सोबत्याकरिता भत्ता.प्रतिमाह रु १६०/-
दिव्यांग विद्यार्थ्याच्या मदतनीस करिता भत्ता.प्रतिमाह रु १६०/-
मतीमंद विद्यार्थ्याकरिता शिकवणी भत्ता रु.२४०/-प्रतिमाह

सदरील शिष्यवृत्ती चा लाभ घेण्यासाठी अर्ज कोठे व कोणा मार्फत करावा याबाबत माहिती पाहूया

लाभार्थी विद्यार्थी ज्या शाळेमध्ये शिकत आहेत त्या शाळेच्या मुख्याध्यापकांनी विहीत नमुन्यातील प्रपत्र भरून जिल्हा समाजकल्याण अधिकारी कार्यालय,समाजकल्याण शिष्यवृत्ती विभाग प्रमुख/तालुकास्तरावर गटशिक्षणाधिकारी कार्यालय पंचायत समिती यांच्या कडे माहीती जमा करावी.